قصه من الخيال . .
قال لي . . تصدق اني اعرف اسوي انجاز قله من الناس تسويه . . . ؟
شفت السله البعيده ذيك ؟ تصدق اني اقدر احذف علبة الماء من عندي وأكونها فيه ؟
وشوف الدليل . .
حذف علبة الماء من بعد . . 20 متر . . وبالفعل سوا شي محد يقدر يسويه !! 
كون العلبه في وسط السله !
سألته . . شلون عرفت ؟ قال بالأول ماكنت اعرف . . وتدربت فتره طويله عليها لين قدرت أكونها من أول حذفه . . !!
انتهت القصه . . نروح للخلاصه !
الناس ينقسمون قسمين دائما وأبدا . . !
القسم الأول . . بيقول ماشاء الله عليه . . ماكان يعرف الشي وتدرب عليه لين قدر ينجزه ويتقنه . .
القسم الثاني . . بيقول خابت عليه . . ضيع وقته وشاف ان السخافه تحولت إنجاز !!
لكن انا اقول فيه قسم ثالث . . يشوف الامور من زوايا غير متوقعه !
يقول . .
ماشاء الله على اصراره . . شخص صبور واذا بغى الشي لازم يسويه . . لكن يحتاج لتوجيه علشان يعرف كيف يستغل اصراره في شي افضل من السخافه هذي !!
النوع الثالث من الناس . . بإختصار
ماينظر عيوبنا وينقدها . . ولا يشوف ميزاتنا ويمدحها . .
يشوف عيوبنا ويعالجها . . ويشوف ميزاتنا ويطلب مضاعفتها !!
النوع هذا من الناس . . احرص عليه . . واقرب منه بكل ماتقدر . .
تمت ،