طفلتي اليوم عيد ميلادها ..!!
غريبه ..
كل هالعالم دروا ميلادها هاليوم !!
ولكن مادروا أن كل يوم يمرّ هي عيده !!
دروا يمكن على شان :
الصباح بصبحها ذايب !!
دروا يمكن عشان :
أن القمر للحظه ذي غايب !!
كثير أهدوها قلت أهديها :
( غيمه ) ترتديها دوم !!
( سما ) فيها تمشّى حافيه بالطول أو بالعرض ..
شحّت هالسما بأمطارها يمكن لها كم عام !!
وأنا أبغى السما تمطر ..
عشان الأرض / وأهل الأرض !!
وتمطر هالسما .. وأسأل :
وش أعذب من كذا يعني ؟؟
مطر وبنكهة الأقدام !!
وأي أقدام ؟!!
تكبر ..
بس ماتكبر / ولا هي راضيه تكبر !!
تبقى طفله بعيني ..
وفي قلبي بعد طفله !!
تشاغبني وأشاغبها .. تطيش أرجع أعاتبها
أنا دايم أفكّر وش مصير اللي يعرفنّك ؟!!
تعالي جدّ أبي أسأل :
يشوفنّك ؟!!
ياقوّ قلوبهن والله !!
غريبه كيف ما أنهبلن ؟!!
غريبه كيف ما ماتن ؟!!
وإلا ميّتات أصلاً ؟
هذا وأنتي طفله ..
كل أدوار الطفوله لك !!
أجل لو أنّك تقومين بأدوار البطوله يوم ؟!!
وش يصير فبنات الناس ؟؟
وأنتي كل شيّ فنّك !!
أنا من قبل أشرّع هالشبابيك
وتناديني أشعّة شمسنا اللي تنتظر من ليلة البارح
وأنا من ليلة البارح ..
مستنّي يجي هاليوم !!
مو بس الشمس منتظره
بعد مو بس محبوبك
هذا العالم بكبره ..
عصافيره , نواويره , هواه .. وكل مداه
وكلّ حاجه فيه منتظره !!
عشانه يوم ميلادك
عساها دايم أعيادك ..
وعسى هالحب يعتادك
مثل ما أعتادني قبلك !!
ياطفلة قلبي ألحالك
ياطفله .. هو بعد طفلك !!
وش أوصفبك ؟
وش أوصفلك ؟
وأنا جيتك .. وقبل أوصل قلبي من الوله نادى !!
شعوري غيم وحروفي مطر والخوف أتمادى !!
وأسيّل هالمسا حب وقصيد ..
وتنبت صورّك !!
وأكثر يبتهج حفلك ..
وأكثر ينفتن حفلك ..