كيف تتعامل مع الله إذا سترك ؟
أول شيء أقبل هديه الله لك ، لأن الستر هديه من الله لك فلاتردها ،
طيب شلون نردها ؟
بعض الناس يرد الهديه بفضح نفسه ،
يجاهر بالمعصيه ، ورد الهديه سوء أدب مع الله لأنها عطيه من الله ف لازم نقبل فيها ،
حتى في بعض الأحيان ناس يجون يحكون عن أشياء كانوا يسوونها لما كانوا صغار ,فمالا داعي يحكي عنها لأن ربي سترها له ،
طيب اللي يرد العطيه كيف ربي يعامله أكيد بيعامله باللي يستحقه طيب كييف ؟
بعطيكم مثال : لو فيه انسان غلط وسوا معصيه من المعاصي , والناس يبغون يعاقبونه على هالمعصيه ،
فجا واحد وأخذه وستره وخلاه في بيته عشان يستره ،
فيجي هالشخص أخذ صوره لما كان يسوي المعصيه وصار يوزعها وينشرها ،
وش بيسوي صاحب المنزل ؟ أكيد بيطرده ، يعني خير استر عليك وتعاند وتفضح نفسك ،
هذي رده فعل أي انسان بسبب سوء أدب الشخص العاصي ،طيب إذا كانت هذي رده فعل المخلوق ،
فربي سبحانه أكرم وأعز واعظم فلو تعامل المخلوق بهذي الطريقه ،
فالله يوم القيامه يعافي كل الناس إلا هالشخص المجاهر اللي رفض ستر الله ،
قال صلى الله عليه وسلم : " كل امتي معافى إلا المجاهرين " ،
وان من المجاهره ان يعمل رجل بالليل عملاً ثم يصبح وقد ستره الله ،
فيقول يافلان عملت البارحه كذا وكذا يقول صلى الله عليه وسلم
وقد بات يستره ربه ويصبح يكشف ستر الله عنه ، طيب فيه تعامل حلو وذكي لما يسترك ربي ,
ان تطيعه بالخلوه وحدك بحيث مايشوفك إلا هو ،
زي ماسترك بالخلوه وماعندك أحد ف طيعه بالخلوه بحيث مايشوفك أحد ،
مثلا : تصدق بالسر ، يقول الرسول صلى الله عليه وسلم صدقه السر تطفيء غضب الرب ،
مثلا صلي ركعتين بحيث مايشوفك أحد
مثلا سوي عمل خير وخليه مستمر بالسر لو طعام حيوان أهم شيء بالسر ،
وطبعا لازم نحافظ على هالستر طول الحياة ، طيب كيف نحافظ عليه ؟
نسوي شيء معين بحيث اننا نخلي ستر الله مستمر علينا ، طيب وشو هالشيء .. ؟!
الشكــر ،
نشكر ربي على ستره نشكره على هذي النعمه ، حتى لو احتجتي في المستقبل ستر من الله بيزيدك ستر لأنك شكرتيه ،
يقول الله تعالى " واذ تأذن ربكم لإن شكرتم لازيدنكم "
طيب فيه شيء ثاني بعد نسويه ويديم علينا ستره ويعتبر من حسن تعاملك مع الله ،
ان تستر عبيده ولاتفضحهم حتى لو هو مو مسلم ان قدرت ،
يقول صلى الله عليه وسلم : " لا يستر عبد عبدا في الدنيا إلا ستره الله يوم القيامه " ،
تخيلوا يوم القيامه توقفين خايفه من كشف أي ستر ربي ستره عليك في الدنيا ,
وواقفه وخايفه الناس تكشف عيبك وخطيئتك اللي كنتي تسوينها ،
تخيلوا أول مره تشوفون الرسول صلى الله عليه وسلم وموسى وآدم وعيسى ,
وأول مره نشوف الصحابه وننفضح قدامهم مره صصعب ، واحنا واقفين احنا نعرف يمكن ربي يكشف عيبنا ويمكن يستره ،
فجأه : إلا ربي يختار لنا الستر فالورد انه يقول له سترتها عليك في الدنيا وأنا اغفرها لك اليوم ؤبعدين نااخذ كتابنا بيمينا ونروح نركض نبشر الناس ,
هائموا اقرأو كتابيه ونوريهم حسناتنا وربي ساتر علينا سيئاتنا , بعدين نروح وندخل الجنه ومحد يعرف بفضيحتنا وعيبنا ،
طيب ليش ربي عطاني كل هذا ؟
عشان لمن كنت في الدنيا سترت انسان ولافضحته ، مع ان الشيطان حاول ان تنتقم لنفسك ،
بس انك ماسمعت كلام الشيطان ، اللحين ربي يجازيك بعملك ،
أسعد لحظه الانسان يدخل الجنه وهو مستور ،