مـا بـيـن جــرح الـفـراق وذكـريـات الـوصـال = ردّدت كـلـمـة عـلــى نـفـسـي .. وواسـيـتـهـا أطهر نسا الأرض.. وأكثرهم جمال وجلال =يـكـفـيــنــي بـــيــــوم حـبّــتــنــي وحـبّـيـتــهــا..؟ طبعا الابيات مالها شغل باللي راح اكتبه بس حسيت فشله العالم كلها تكتب قصيد وانا أدخل الاركان بيدي فاضيه ولاخلصت امسح إيدي بالفرشه هم مو حلوه (هم اقروها بالحضري ) وناسه وانت بزر تنتقل من منطقه بدو الى منطقه كلها حضر تحس انك مهاجر بس ماتحس بالغربه من الوناسه عادات غريبه ملابس غريبه انت البزر الوحيد اللي يمشي لابس طاقيه وغتره تشوف بزران الحضر يخزوونك مايخزونك عشان الغتره والطاقيه عشان الوصخ اللي في ثوبك كل واحد خدامته واخوانه الصغار معه وانت تدربي راسك الحالك تشووف بناتهم الصغار يلعبون في الشارع على القواري وانت حارس بابكم لاجات تطلع وحده من خواتك الصغار تبي تشتري بريد تقول ادخلي للعن والديش كل ماعينت بزر تنشده وش اصله يقولك انا كويتي تروح تعلم امك يما قصرانا كلهم كويتين مافيهم عجمان وهواجر عقب شهر ينادون ابيك وامك ابو لوكي ام لوكي وانت مو اكبر اخوانك بش عشانهم عرفوني اول واحد يلعبوونك مع اهلهم وانت لاشفت احد مار من عتبه بابكم تلعن والديه تشوف عندهم اللعاب غريبه مابعد شفتها عند الجماعه ولا في سوق الفحيحيل تقعد تسوولف بها عند عوال الجماعه مايصدقوونك يقولون العن ام الصواريخ طبعا مايصدقوونك لين يمسي عندنا احد من عوال الجماعه واوديه لقصرانا يشووف في أم عينه غصتني العبره على الماضي الجميل البرئ
__________________ أنـت