تومي بهـا واليـا اسهبـت بيـن الضلـوع اركيتهـا
حكم الغلا خـلاك تطعنـي وانـا اللـي مستفيـد
فديـتـك انــت وكــل طعـنـه مــن يــدك فديتـهـا
محبـتـك تـجـري بـدمـي مــن وريــد الـيـا وريــد
بيـن الضـلـوع الـعـوج بخشتـهـا وقلـبـي بيتـهـا
ليـنـت لــك قـلـبـن لـغـيـرك مايلـيـنـه الـحـديـد
ولـديـت لــك عـيـن(ن) لغـيـرك مابـعـد لديـتـهـا
وكتبـت فيـك النـادرات الشـاردات مـن القصيـد
الـلــي تـثـيـر الـصـمـت بالجـمـهـور لاغنـيـتـهـا
ونشرتـهـا باشـهـر مـجـلـه للـقـريـب وللبـعـيـد
علـى غـلاف المختـلـف كـلـن قــرا ماانشيتـهـا
عقدن يليق بجيدك اللي فارقـن عـن كـل جيـد
والشفـه اللـي طعمهـا معسـول يخـرب بيتـهـا
لاقلت اريد وقالت امـر قلـت مـدري ويـش اريـد
قـالـت عـلامـك قـلـت انــا بغيـتـهـا واخطيـتـهـا
مدري بطل مدري خبل مدري ذكي مدري بليد
مـب المهـم ان العنـود اللـي دعتنـيـي جيتـهـا
بيـن الشقـا والضـيـم واللـيـل والـبـرد الشـديـد
واقــــول يـالـيــت الـلـيـالـي كـلـهــا يالـلـيـتـهـا
مرة شقاهـا للشقـي ولـذة سعدهـا للسعيـد
والـذ منهـا الجمـره اللـي فـي يــدي ضميتـهـا