[قلبي معاهم]

البارحه من بيننا ضحك وامزوح=واليوم كلن منا راح بطريقه
من غير لاسبه وداعي و مصلوح=ولاحصل من بيننا مايعيقه
خليت رجالن على الطيب ممدوح=اللي على الخوه ينومس رفيقه
هجرتني ياخلي وشفيك مشفوح=والا نويت اتشب فيني حريقه
ليتك تشوف القلب وشلون مجروح=من سبتك قلبي جروحي عميقه
دامك تبي ترحل ترا الدرب مفتوح=كلام رجالن يحب الحقيقه
لاياحمام الدوح ا بصبر على النوح=ياويش اسوي بين حرفه وضيقه
وانا سمحت اليوم منك ومسموح =دامك رضيت وراضين بالطريقه
اللي يبينا مسكنه داخل الروح=واللي نوى يذلف ترا مانطيقه