جيت الطبيب اللي على الصدر مختص
ابيه يعمل لي على الصدر تشخيص
ثم حط سماعه على الصدر قال اوص
اسمع لي بصدرك حساس ووصاويص
نبي نسوي لك اشاعه ونفحص
ونمحص اللي داخل الصدر تمحيص
سوى الاشاعه قال ياصاحبي بص
لا يدخل بصدرك احد دون ترخيص
لقيت في صدرك مواطي قدم لص
والقلب مقصوص من الصدر تقصيص
وانته عن اللي سارقٍ قلبك ابخص
قلت ايه داري به وعن وضعه ابخيص
هذاك ما يرخص لو الناس ترخص
وانا بعد عنده ترى ماني رخيص
بيني وبينه قلبي النص بالنص
لا والله الا كله بدون تنقيص
يرص ويوزع واقول امش ما اقص
مافيه تكويشٍ ولا فيه تخبيص
مادام هذي علتي ياطبيب اوص
ماني بحاجة علاجٍ وتشخيص