.
الصيف جانا وابتدى لاهب الصيف ،
والشمس تطبخ روسنا من سناها .!
والجو حر..وما نفع فيه تكيف ،
حتى المكيف! ما يبرد هواها.!
يا صاحبي من يوم جبت السواليف !
والنفس زادت من كلامك غثاها ،
ودك نسافر!بس ما قلت لي كيف !؟؟
وفلوسنا بنكي وبنكك كلاها ،!
قبل امس تشكي متعبتك المصاريف ،
واليوم ودك بالسفر والنقاها!!
يا صاحبي لو السفر بالتناتيف؟
كان اكثر العالم بلندن عشاها ،!
لكن أوربا نار تحتاج تكليف ،
مثلي ومثلك ما يقايش معاها :/
حنا فقارا لا لفى عندنا ضيف ،
سعر الذبيحه يعلم الله خفاها !!
خل السوالف لاتفك المظاريف ،
اخاف يفهمها خطا من قراها !
لاحان فيَ العصر قلط على الكيف ،
خل المكيف تنعشك في هواها !
،