[سـحـآيب]

صار في صوتي من عتاب الحبايب بحّه
وقلبي آليا غابوا أحبابه تزيد جروحه
ياوليفي عاشت أيامك بخير وصحّه
روّحت الأيام لا جيّة ولا به روحة
لد وجهك لي بعد طال الغياب ونحّه
(عذرك مقدّر) وقبله(غلطتك مدموحة)
كان قلبك غافل»عني؟فديتك صحّه
والله إن بيبان صدري للقاء مفتوحة
(وحّ عقلك ياوليفي وحّ عقلك وحّه)
والله إن مغليك صبّار وبعيد» شوحه
صاحبك جور الزمان الشين عقبك لحّه
والغلا يا كم على شانك بنيت صروحه
(خايف إنك للقاء يازين صابك شحّه)
كيف تبخل بالوصل عن روحي المجروحة
مسّ قلبي باللقاء يازين والا (ضحّه)
الدروب مبرّحة و إعلانها ((فاللّوحة))
وْإن لعبت السامري وإلا لعبت ألدحّة
المهم تروف بالطرقي وترحم روحه