ارسلت لك ..
............... ( خيب غيابك / يقيني ) .. !
ارسلت لي ..
.............. (هذا الهوى ... متعب وشاق ) .. !
مدري ضميره هالسهر محتويني
............ او هو ضميرك صاحبي ما بعد فاق
بكره تجيني .! أي بكره تجيني ..؟
............ لو للمدى رجلين ما التفت الساق
ما عاد ابيني بس قول انت ويني .. ؟
.............. او أينا اللي من سواليفنا ضاق .. ؟
ياني كرهتك بس .. باقي بعيني
.............. ياني احبك بس.. ما عاد تنطاق
ياني من الثنتين يندى جبيني
.............. ياني بهالقلبين محروقه احراق
( حّنا ) تجمّعنا .. ابيك .. وتبيني
............... وما جمّعتنا غير ( حّنا ) والأوراق
ارسلت لك ( خيب غيابك يقيني )
............. ارسلت لي ( ان الهوى مسلكه شاق)
ورديت لك ( يعني متاك بتجيني ؟)
.............. ورديت لي ( ليا فاق وقتي ... !! )
ولآ فا ا ا اق