هوجاس با لي غير عن كل هوجاس
ياخذ من اجزال المثايل جددها
صفيتها صف الجواهر والالماس
حتي تجي صعبه على منتقدها
سلامي ياراعي الوفا طيب الساس
اعداد ماتبرق ويرعد رعدها
واعداد ماسار القلم فوق قرطاس
واعداد من صلى الصلاة وسجدها
على الذي لمن غدا الوضع حساس
تقبل له العالم وتلقا سعدها
صميدعن داس المخاطر ماينداس
يتعب على العليا وخذاها بيدها
ابو سعد عز القيبله ونوماس
نسل الحرار اللي ينومس هددها