اتمنى تنال اعجابكم
خلاص انس الغرام وكل ماضينـا انـا ويـاك=وحتى الذكريات ارجوك لاتطري علـى بالـك
يجي لك يوم ياقاسي على حبي تعـض شفـاك=وتسرح مثل ماتسرح عيون الخلق فـي شالـك
تعبت أداري الصحبه تعبت أدمح كثير خطـاك=عجزت أتحملك تخطي وتعذر دايـم(ن) حالـك
كتب ربي علي أشقى بقربك وأبلـع الأشـواك=كتب لي عيشة(ن) ضنكه وانا يا صاحبي جالك
مسامح .. وأبعدي عني طلبتك بالـذي سـواك=انـا مالـي بعيشـة هـم تحتالـه ويحتـالـك
وش اللي حدني صوبك وش اللي حدني لرضاك=مدامك ما تراعيني .. وتسمـع قـول عذالـك
نصحتك ماقبلت النصح عقلك زاد فـي بلـواك=طلبتـك تبعـدي عنـي وفـال الله ولا فالـك
ولا يا صاحبي بدري .. تذل القلب لو يهـواك=أذلـه وأقتلـه بيـدي .. ولا تقتلـه بشمالـك
انا ما الوم من حبك والومه يوم جاء واعطـاك=مـن وقتـه وتفكيـره ومـن شعـره تغنالـك