سيدي هل تعلم ان مالي خلق
وهل تعلم اني بجرب اكتب وانا مالي خلق
وهل تعلم ايضا اني اكتب لنفسي ماهوب لك
وهل تعلم اني اعاني من الارق صارلي قرابه اسبووع
طيب انا اعاني انت شكو اي صح يمكن تعاني مستقبلا وتتذكرني
هل تعلم ان فتره هالارق زامنت مرحله تشعبي النتي
احس كل شي بالنت اعرفه وكل شي عارف اخرته
حتى الاخبار اللي من المفترض تتغير احس انها تنعاد
هالعالم مو راضي يحس فيني وينتقل معاي على الاقل خلال هالفتره
على قوله بيت الشعر مدري ويش بس اخر شي في البيت كانت كلمه محتاجه
ماعلينا من القصيد ولو إن حنى في حضره جناب القصيد
لي صديق او حبيب سمه ماشئت لان تسميتك له لن تغير مافي قلبي له
مع زياده حرف التاء لو سمحت طبعا في شي اسمه تاء النسوه ولا بس نون النسوه
عاد الحريم اشووف انه يناسبهم التاء اكثر من النون
قولو : ليه
ترى ماسمعتكم بس حسيت انكم قلتوها
النون تحس انه قصير مربووع عاصب راسه معه خيزران ازين مافيه عينه وحلقه كبير
لكن التاء تحس انها وحده عنقاء .. صح ان شعرها ماهوب ناعم بس بيضه وكشخه
شنطتها فندي وساعتها ديور ذربه ذربه التاء 
اذن المذن
عسى يجينا نووم عقب الصلاه