الهمهمه هذي عن التربيه والاخلاق . . . << صار واعظ الأخ . . للاشخاص الكبار يكون الاحترام واجب , مانختلف على كذا طيب مابالكم اذا كان الشخص الكبير عمك او خالك ؟ اكيد الاحترام بيزود ! طيب واذا كان عمك وكبير يعني لازم تناديه بطريقه فيها احترام وتقدير ! لحد الآن انا وياكم ماشين تمام . . . بس الغير معقول ان فيه ناس ينادي عمه او خاله . . ابو فلان !! وكأنه يسولف مع واحد من خوياه ! شوفو في الحاله هذي انا ارجع الشي هذا لسببين . . يا إنه الشخص مو محترم . . او انه ماتربى على الشي هذا . . وفي كل الحالتين هو يشيل الجزء الاكبر من الخطأ , لأنه يقدر يغير كلمة ابو فلان . . بــ يبه . طيب وشرايكم اعرف نوع ثاني اغرب من النوع الاول . . . فيه ناس يحاول يبتعد كثر مايقدر انه ينادي والده يا يـبه ! يجي يوقف على راس ابيه وبدون مايقوله يبه . . يدخل بالموضوع لدرجة انك ماتدري هو يكلمك والا يكلم ابيه ! وهذي اعطيها اسباب . . يا انه من الجيل الحديث وكان ينادي ابيه بابا بعدين كبر واستحى وبطل الثنتين , او انه يستكبر الكلمه على ابيه مثلا ؟ تدرون شلون ؟ الموضوع طويل مالنا فيه وفي مسائله !! اهم شي مرينا عليه .
__________________ ستقرأ هنا همهمات من الواقع . . . ستبدأ بالقراءه . . . ولن تنتهي . >>>> اضغط هنا واستمتع بـ .. همــهـمــات .. سعد ! <<<< مدونه اجتماعيه ساخره