أتحملك..! وشلون وأنا عشانك =متحمل ٍ ضيم الليالي وراجيك.
ياغايبه.. منهو يجي في مكانك.! =من يوم غبتي والغلا منتهي فيك.
روحي ترى قلب ٍ على العهد صانك =يبقى لك أوفا من وجودك..لطاريك.
ياراحله...منهو يعوض حنانك! =لاضاقت الدنيا علي وين ألاقيك..!
ياقدرة الله...كيف قفى زمانك..؟ =وأنا نهاري فيك...والليل يبديك.
تدري وش اللي يذبح..؟ الصبر عانك..! =وأنا على فرقاك..(ميت وأناديك!)
ياويل حالي...يوم رحتي بأمانك =كنك تِمنيني...وكني آمنيك.
قفي ودمعي لاوقف...قلت خانك..! =ببقى لك أوفا من وجودك..لطاريك
مدري وش أسرع يوم قفى كيانك..؟ =خطوة فراقك...وإلا هو قلب مغليك!