[شوشواحلاكم]

السلام عليكم
شلونكم انشاء الله تمام
بدش بالمو ضوع على طول
رفيجتي بس هي مو رفيجتي حييييييييييل يعني الروح بالروح خن انقول اسمها رور مثلا شوفوا اشسوت

دقت امس رفيجتي خن انقول اسمها ميمو علي وقالت لي بتروحين حق رورو قلتلها ليش عاد قالت لي انها مسويه بارتي
وان كل خميس انتيمع بيت وحده عاد انا اصدمت تعزم بنات صفنا كله حتى اللي مو حيل معاهم وانا لأ عاد انا قلتلها شكو اروح ما عزمتني تقول هي بتقولج بس انتي غايبه ومادري شنو عذريها وجذي اوكي غايبه ماكو شي اسمه فون

عاد اليوم داومت وهي قاعده يمي اتقول حق البنات عنوانها وانا مسويه نفسي مو منتبه لهم وقاعده اكتب ولا تقولي رفيجتي ميمو راح تينين صح لوا تقول رورو ايه صح توها تبي تتكلم تبي تعزمني ولا اروح واخليها لأن الأبله نادتني لما رجعت يت تبي تكلمني بالفرصه ولا اعطيها طاف واروح حق رفيجاتي

مادري رفيجاتي قالولي زين تسوين فيها
بس امي زفتني قالت لي عيب انج تمشين وتخلينها وتسوين نفسج ما تسمعينها
جان قلتيلها عن غشمره وانا اخر من يعلم يعني انقدها على نفسها بس بغشمره

بس لا تلوموني والله انقهرت لأني قبل بعطله 15 كنت مسويه بارتي لأنا خلصنا امتحانات وجذي
وكنت عازمتها اول وحده مادري انصدمت منها لأنها ما عزمتني وانا ذيك المره اول وحده دقيت عليها وعلمتها
حتى كنت بخلي البارتي يوم اليمعه بس خليتا يوم الخميس عشانها



شرايكم اللي سويته صح ولا غلط

انا الخميس الياي اليمعه فبيتي شاريكم اعزمها ولا لأ والله احترت
رفيجاتي يقولون لي اعزمي البنات كلهم قدامها وعطيها طاف
وامي تقولي عزميها اول وحده وقولي لها انا عزمتج اول وحده واذا ما ييتي ازعل عليج وجذي

انتو شرايكم اسمع كلام امي ولا رفيجاتي

الحين البنات متيمعين عندها وهي الحين تدق علي ما رديت عليها شرايكم ارد عليها واكلمها

رفيجتي تقول اتوقع هي ما دقت عليج مني والطريج اكيد البنات قالولها انتو شاريكم ردوا علي بليز