بظل أذكر بيوم اني لقيت الصادق الوافي..
.وتسامرنا وتحاكينا ونسينا في حضور الانس سوالف حزن عشناها....
ولاعمري ابد بنسى مكان جمع الاصحاب...
وريح العطر وشذى هالصبح تروح وتمضي الايام ونظل بصدقنا أقراب..
تقولون انسى ؟؟
محـــــــــال انسى ؟؟
انا لو انسى اوقاتي ابد والله ما انساكم
ذكرت الشاي وسواليفه وصدى صوتن نسلي به..
ودفتر ضمني حرفه يهلي بي واهلي به..
ذكرت اصواتنا الحلوه وقصيده حب وكم غنوه..
نغني نسولف وندردش معانا الوقت ياحلوه..
نجرب نزعج فلانه ونضحك في خفايا النفس ..
نحاول نخفي إعلانه ويفضحنا كثير الهمس..
وبعد هذا تبون انسى؟...
انا ماا نسى كثير اوقات روحاتي وجياتي وقبل هذا صديقـــــــــاتي..
انا للحظه التوة اكيـد اتذكر احساسي ،،شعور صعب تفسيره!..
غموض شوي من الحيره وسط لمه وميه كلمه..
هذاك تصيح وتجاكر تبي تسمع ومهتمه...
وذايك تقول ياساتر صعب درسي ولا افهمته ....
وهذي غارقه بدفتر قصيده وشعر وكذا ضمه....
كذا الايام تاخذنا والاحلام تتبخر...
كـــــــــــــــــــذا الدنيا ....كــــــــــذا الدنيا ياصاحبي تجينا بفرح.... وتتغير ..