تــــبـــغـــى الــحـــقـــيـــقـــه
يا صاحبي حالي عقب غيبتـك حـال
حال الوحيـد اللـي خـذ أغلـى حلالـه
ربعـه تـردوا بـه وهـو مـالـه عـيـال
وواجـــه مـقـاديـر اللـيـالـي لـحـالــه
تبغي الحقيقه عقبـك أحوالـي أحـوال
لانـــي بمستــانـس ولانـــي بــدالــه
القـلـب عـقـبـك للهواجـيــس خـيّــال
والعـقـل عـقـبـك ذكـريـاتـك إدلالـــه
في كل يوم أشرب من الصبر فنجال
لـكــنــي أقــفّــيــه حـــبـــك بــيــالــه
في خاطري مشـروه مبطـي ولازال
وإلـى بغيـت الصـدق مــاذي بحـالـه
أما إتصل لـي وكمـل الـود بوصـال
وألا أضعف الإيمـان طـرش رسالـه