[خالد البريكي]

اختي الماسه الله يرحم والديج ويجعل هالموضوع من ميزان حسناتج ان شاء الله واتمنى يتم تثبيت الموضوع للشغل اللي سوته الماسه فيه واخذ من وقتها ساعات ولما فيه من نصح وحقائق عن واقعنا المؤلم في هذا الوقت , بخصوص الموضوع :

ولله الحمد والله لايغير هالشي فيني انا عندي الام بالذات مقدسه مستحيل ازعلها او اروح منها متضايقه واكثر شي يزعلني لما اسمع مقاطع دينيه عن عقوق الوالدين وخاصه الام والله احس الدمعه بتنزل مني لدرجه ارجع من الربع لامي لا سمعت مقطع اسولف معاها شوي وارجعلهم مره ثانيه من كثر غلاها عندي ولكن في ناس ماتخاف الله لا في ابوها ولا في امها واكبر سبب بعدهم عن الدين وفي اسباب مثل الزوجه اللي تكون بسبب ضعف شخصيه الرجل وغيرها من الاسباب لكن مهما كانت الاسباب هذي امك وابوك اقرب الناس لك واكثرهم يبون الخير لولدهم بس في ناس ضايعه بالدنيا هذي والله

القصيده اللي ذكرتيها لوحده تنقالها ام حمدان واذكر شفت هالمقطع من العفاسي يقولها او نبيل العوضي بالضبط ما اذكر منو وكان قاطها بدار العجزه ويوم كتبت القصيده وصت الدكتور اللي عليها ان يعطيها ولدها لاجاها بدار العجزه وهي على فراش الموت وماتت وماشافت ولدها

انتي جبتي قصيده عن الام واستأذن منج ابنزل قصيده عن عقوق الاب حتى تكون الصوره واضحه للطرفين من الام والاب :

هذي قصة رجل وله اربعة عيال ماتت امهم وهم صغار وعيا الاب يتزوج

ثانيه خائف على عياله من المره الثانيه تعذبهم وتشقيهم و المهم

الرجال رباهم وتعب عليهم وكان يطلع من الصبح ولا يرجع الى بالليل

ومرات يتاخر كله هذا على شأن يوفر لهم الاكل وكان كل ماطلع

خلاهم عند جاره يلعبون مع عياله وواذا جاء من المقناص سوالهم

العشى وعشاهم وكان ما يتعشى الا اذا شبعوا عياله وياكل من بقايا

اكلهم.

ودار الزمن وكبروا العيال وزوجهم ابوهم وشاب الاب الطيب ولا عاد يقدر

على القومه والطلعه الا بالمساعده المهم قامن حريم عياله يتشكن منه

لا زواجهن الين اجتمعوا العيال وكل يقول للثاني خله عندك حتى اجتمعوا

على راي واحد انهم يطردونه الاب .وتركوه بوادي ينقاله وادي السلاحيب بس مادري باي ديره

وخلوه بالبر وماعنده احد

وقال الاب القصيده المذكوره

ودعوته المشهوره فيها المهم عياله ماتوا كلهم ولا واحد منهم خلف له

ولد وانقطع ذكرهم ونسلهم فحسبي الله عليهم ناكرين الجميل

والمعروف والعشره وعاقين الوالدين .

وهذه القصيده:-


قال الذي يقرا بليا مكاتيب = ياللي تقرون العمى من عماكم


يا عيالي اللي تشرفون المراقيب = تريضوا لي واقصروا في خطاكم


خذو كلام الصدق مابه تكاذيب = مثل السند مضمون للي وراكم


يا عيال لا صرتوا ضيوف ومعازيب = ترى الكلام الزين ملحه قراكم


وتروا السبابه من كبار العذاريب = وهرج البلايس ما يطول لحاكم


المذهب الطيب فهو مذهب الطيب = والمذهب الخايب يبور نساكم


يا عيال ما سرحتكم باللواهيب = يا عيال ما عمر المعزب ولاكم


ياعيال ماضربتكم بالمشاعيب = ولا سمعوا الجيران لجة بكاكم


ياما توليت القبايل تقل ذيب = من خوف لا ينقص عليكم عشاكم


وياما شريت السمن من عرض ما جيب = يفز قلبي يوم يبكي حداكم


احفيت رجليني حامي اللواهيب = وخليت لحم الريم يخالط عشاكم


وياما قطعت من الفيافي العباعيب = ندور من صيد البراري غذاكم


يا عيال دوكم لحيتي كلها شيب = هذا زمان قعودنا في ذراكم


قمت اتوكا فوق عوج المصاليب = قصرت خطانا يوم طالت خطاكم


عطوني القرضه عليكم مطاليب = عطوني القرضة جزى من جزاكم


لابد يوم عاوي دوني الذيب = بالقبر ما افرق طيبكم من رداكم


ماني بفاضحكم بوسط الاجانيب = با عمالكم يدرون كل اقرباكم


لو كان تدرون الردي والمعاييب = صرتوا مع المخلوق مثل خوياكم


خوالكم بالطيب تروي المغاليب = ولو تتبعون الجد محد شناكم


وش علمكم يا تاركين المواجيب = حسبي عليكم هالردى وين جاكم

قصيتكم واسندت بوادي سلاحيب = ولقيت بالصبخه مدا في قماكم


ياعيال بعتوني بصفر العراقيب = ماهي هي حقيقه سود الله قراكم

يالله عسى اعماركم شمسها تغيب = يعتم قمركم ثم تظلم سماكم



يا علكم في حاميات اللواهيب = ياللي على الوالد خبيث لغاكم


شفت الجفا والحيف والغلب والريب = بضلوعكم لا بيض الله قراكم


عسى نساكم ما تحمل ولا تجيب = ولا احد من البزران يمشي وراكم


اخسوا خسيتوا يا كبار اللغابيب = اهبوا هبيتوا يقطع الله نماكم

واقرب شي انهم تركوه بوادي بروحه ماعنده احد

الماسه طولت بالرد عليج وعلى اخاوني الاعضاء لكن انا اببين عظمة عقوق الوالدين اللي اشوفها اكبر الكبائر بالنسبه لي واللي يبي القصيده مسموعه يكتب باليوتيوب ياعيال ثاني مقطع وانصحكم كلكم بالاستماع اليها انا ابكتفي بالرد على الفقره الاولى بدون فقرة الايتام وعياده المرضى لان هالموضوع بروحه يقلب المواجع فما بالكم بالثنين اللي غيرها

الله يعطيج العافيه مره ومرتين والف اختي الماسه وياليت ماثقلت على الجماعه بالرد لكن موضوع بالصميم