يـامـل نـفـسٍ مــن الغـربـال ملـتـاعـه
لاعـت ولاعـت ولااحـدٍ شـاف لايعـهـا
عليك ياللي نهبـت الـروح فـي ساعـه
طـالـبـك تـكـفـي حـيـاتـي لاتضيـعـهـا
ارفق على اللي حداه الوقـت ثـم باعـه
مايصطنع في همومـه وانـت صانعهـا
شـاف العـذاب وتبـيـن مـنـك مـاراعـه
كـم ونـةٍ مـن صميـم الـروح ينزعـهـا
قـام يتـوجـد وقلـبـك شـانـت اطبـاعـه
كاسـة مـرارك مـن اسبابـك تجرعـهـا
نـبـت الـغـرام يـتـودد مـنـك مـربـاعـه
تـارد عروقـه علـى فيـضـك وتمنعـهـا
عــن الـدهـوره سـمـوم مـنـك لـواعـه
جفـت غصونـه وحـتـت كــل مامعـهـا
شح الوصال وسموم الهجر منصاعـه
في وجهة اللي همومه كيف يردعها 
ماغيرك أحدٍ تسبب فـي ردا اوضاعـه
تضحـك وعينـه عليـك تـهـل مدمعـهـا
مابـات طرفـه ولاخفـت بــه اوجـاعـه
وان جـات فـي حلقـه اللقمـه يرجعهـا
حالـه نحيـل وجفـاه الوقـت واسناعـه
ماجـاد لـه مـن عطايـا الوقـت نافعهـا
كنـه صويـبٍ مـغـز الـرمـح بضـلاعـه
ينزف وروحـه مـن اوجاعـه يودعهـا
نفسـه علـى شوفتـك يـازيـن طمـاعـه
الله يـــردك عـلــى نـفـسـه وتقـنـعـهـا
__________________
لو طاحت نفوس الرياجيل مـا أطيـح=علّـيـت نفـسـي للـعـلا واعتـلـت بــي
لكـن .. لــي مـبـدأ مـعـزه وتصفـيـح=أبــوي سمـانـي بـهـا وأستـمـت بـــي
أقــدر ظـــروف الـوجـيـه المفـالـيـح=وأبقـا علـى هقواتهـا اللـي هقـت بـي
أذخـر فواعيـس الرجـال الطحاطيـح=اللـي أليـا مــن جيتـهـا رحـبـت بــي
قولـة هـلا وأقلـط علـى هبـة الـريـح=ثروة غنى فيهـا أغتنـي وأغتنـت بـي
مـاهـو كـــلام ملاعـبـيـن المسـابـيـح=الـلـي نـمـوذج كتبـهـم غـيــر كـتـبـي
ملقـحـيـن مـنـمّــق الــهــرج تـلـقـيـح=يامـا حكـت عنـدي ويامـا حكـت بـي
عـيـال رعـيـان الـحـلال الـسـواريـح=لو حصلّت ضحك ٍعلّي اضحكت بي
والـصـبـر زيـــن وللغـنـايـم مفـاتـيـح=وأكحـل عيـون ٍٍ بالحسـد تلتفـت بــي