.
مايبيـد القلـب ويبيّـح خفـاه ؟
كود شيٍ يذهـل العقـل السـوي
ومايبرر غلطة الرجل وخطـاه :-
غير لا من جا معه عـذرٍ قـوي !
والبنـادم كـان :- بينلـك رداه ؟
واتجه له في طريق ( ملتـوي ) ,
ما عليـك ألا تكبـه , وتعصـاه
وادحر الشيطان قبل إنـك إتغـوي
يا ( سعد ) دام الحكي في مبتـداه
اسمع اسمع دام قافـي لـه دوي
لا تفرط في ( فروضك , والصلاه )
من تركها في جهنم ( يشتوي ) !
ولا تهمـل والدينـك فـ/ الحيـاه
برّهم قبل الليالـي ؟ ( تنطـوي )
ولا تعاقب جـار بيتـك وقصـراه
ولا تخلـي واجبـك ثـم اتهـوى
وأكرم ( الضيفان ) يامال الغنـاه
مد مـدات الكريـم المهتـوي ..!
وواصل اللي لك ولو بيـن جفـاه
من وصل رحمه روى عمره روي
ولا تخاوي واحـدٍ يجحـد خـواه
خاو من يفهم مفاهيم ( الخـوي )
لا طلبتـه مايقصّـر فـي عطـاه
ولا دعيته تسمعـه ذيـب يعـوي
كم خـويٍ لاشكـا خلـه نسـاه
وكم قريبٍ عن قريبه ( منـزوي )
والزمن لو يوم بيـن لـك قسـاه
لا تنوخ له , وخلك ( مستوي ) .!
وأنت سيفٍ سعد عين اللـي قنـاه
خابـرك تكـوي معادينـك كـوي
وأنت حرٍ صايـده يجلـب عشـاه
من فعوله عاش وأصبح مرتـوي
والليالـي دايـره مثـل الرحـاه
وما تفرق فـ/ حضريٍ , وبدوي !
ولا تهاب الوقت لـو بيـن قـواه
القوي الله , ولا غيره قـوي !
.