[محمد آل غانم]

المفارق عٍنك لا يعني ضياعي =والمعيشه معك لا تعني متاعي


في كٍِلا الحالتين ماتٌفرق لأني =وأعيٍ لارحت . ولأجيت وآعي


أدري اني حًي بٍك والا بدونك=وانت جزء من الحياة ولك دوأعي


بس مايعني وجودك في حياتي =إمتثالي دوم لاْمرك وأنصياعي


لي طريقي وأنت والله وأختيارك =يا أبتعادك عن طريقي يأأتباعي


إقتنع في كل ما أسْوي وأقوله =عقبها شوف أنطباعك كانطباعي


ولو تحْس الإختلأف برد فعلك =لك طباعك ياعزيزي ولي طباعي


يعني لو انت إندفاعي في شعورك =في شعوري ما أني مثلك إندفاعي


با أقتناعي لا عشقت أعشق وطبعا"=لاكرهت أكره بكيفي واقتناعي


هذا انا من يوم ماربي خلقني =فطري بأحساسي ولاني بأصطناعي


عاطفي جداًَ وكلي شاعريه =وأنطوآئي كثير وشوي أجتماعي


وانت بس أرجوك لا تزعل وقدر=مثل ما أراعي لزوم انك ترآعي


يعني لو ماكنت آحبك لا أهزك =خلك آقوى من كلآمي وامتناعي


كلمتين وقلتها لك ألف مره =بس شكلك ضقت من كثرة سماعي


قلت: "لو أقدر أحبك كـان احبـك"=البلى انّ الحب ماهـو بْمُستطاعـي


ليت والله تطلـب اللـي أستطيعـه=لجل تبقـى دوم مسموعـاً مُطاعـي


فالسموحه كـل شـيّ الاّ شعـوري=مو لأيّ انسـان شفّـي والِتياعـي


وانت أكيد انّك بتلقـى فـي حياتـك=من ينسّيـك بوصالـه .. إنقطاعـي


والحيـاه بتستمـرّ وشـي طبيعـي=لو تجي تسحب ذراعك من ذراعـي


ما أموت من المفارق وانت تـدري=وش بقول انْ جيتني ناوي وداعـي


بختصار انْ غبْت يالطيّـب.. تأكّـد=المفارق عنْك .. لا يعنـي ضياعـي

.
.
تصميمي