/
ودعـتـك الله مـابـقـى نـــوح ودمـــوع
عنـدي ليـا خلـت ضعـونـك ضعـونـي
والله يبيـحـك مابـقـى قـلـب وضـلـوع
حتى أغفر اللي لك مضى من طعوني
قبلـك وأنـا مـن سـود الأيــآم مفـجـوع
كـــن الـعـنـا مــالــه مــقــامٍ بــدونــي
قـلــي فــمــآن الله وأقــــول مـتـبــوع
ودع لـعـمــري يــامــوادع عـيــونــي
شحت بـك الدنيـا عسـى فالهـا الـروع
وأزرت علـى عهـدي تخالـف ظنونـي
أضمى على شوفك وأنا معك واجـوع
وأشتاقـلـك والشـمـع دونــك ودونـــي
قلـي ليـا صـآر الرجـا منـك مقـطـوع
ويــن الـعـزا والـهـم يـهــدم ركـونــي
ويـلـي علـيـك وليتـهـا أيــام وأسـبـوع
لـو معـك مَطولهـا ومقـسـى حـزونـي
[ أذكرني إن مروبـك أحبـاب وربـوع
وإلا سمعـت إمــع الليـالـي لحـونـي ]
وإلا إني أنساك أنت ماهوب مشـروع
إلا لــيــا عَــــود لـحـافــي كـفــونــي
سلـم علـى الدنيـا وغصـبٍ بـلا طـوع
أصبـر واداري عبرتـي مـن شجونـي
/