••
أدمح لي الذنب وادمح كل زلاتك
.............. الغيرة أعمت عيوني وانت تدري بي
أبا اتغلى عليك وطوّل سكاتك
.............. ورديت لك غصب ما رديت منطيبي
أغار و ازعلك و اشفق لضحكاتك
.............. ضيعت ما عدت أميز وش مطاليبي
شف حالتي ما بقى لي غير شوفاتك
.............. مجبور انا فيك لو غيرك يهلي بي
اقرا خفاياك لا طالعت نظراتك
.............. وأخاف قطع الرجا يا مبيح غيبي
عطني أمل لا تقول الركب قد فاتك
.............. بعض المطر يسبقه عج ولواهيبي
حلوة عيوبك وأنا عشاق غلطاتك
.............. وعشقت شيبي لانك مظهر شيبي
تبي الصراحة عليك أغار من ذاتك
.............. أغار.. وأغتاظ.. هذي هي عذاريبي
!!!