[alkhuzama]

الأخ جاسم العذاب ,,,أنا أختلف معك 100% ,,,, ونعم مثل ما قال كبير المحفوظ ما يدخل الدواوين إلا الرجال وهذي العقلانيه اللي اتسمت بها مقالك الهادئ بصراحه ما تدل على إن ردة الفعل اتجاه موقف نواب العجمان المتخاذلين " اللي خذلونا" ولا تدل على إنك مدرك ل تبعاتها
ليه ما وجهت أسئله ونصح للنواب المعروفين حتى "اسماءهم ما ودي أكتبها"
ليه ما حسبوا حساب للرجاجيل اللي نختهم ؟؟!!
ليه واحدهم ملتزم الصمت وخلى الناس تستجديه وتستعطفه وفي ندوة ابو حليفه وصل الأمر للترجي وماهيب عيب دعوه لمراجعة النفس والإنضمام للجماعه الإنتصار للضمير ؟؟!!
ليه ساكت ليه ما قال رأيه اللي يمليه عليه ضميره اذا كان صادق في كلامه ليه ما عبر عن رأيه بكل صراحه وشرح و وضح وحاول يرضي جماعته وناخبيه ويستقبلهم ليه سكر كل "المنافذ" ؟
كان يستمتع بالإستجداء ؟؟!! والله حنا اللي عطيناه أكبر من حجمه ,,,
ليه ما سألت النواب سيئ الذكر كيف يطعنون جماعتهم بخنجر إسمه خيانة الناخب وطعنوا كل القبيله في الخلف ؟؟!!
والحين تقول لا تطردونهم واحد طعنك بالظهر تستقبله بالأحضان ؟؟!!
وش دخل الضيف في الموضوع أمور الضيافه ما لها مجال في هذا الموقف .كفايه لف ودوران على واقع الحال صار الواحد يستحي انه عجمي ؟!
الواجب طردهم وهذا أقل تعبير عن رفض الجماعه لهم كأشخاص ومب بس طردهم من دواوين الكويت إلا طردهم من مجالس العجمان كلها سواء في الكويت أو السعوديه وأولها نجران وما أدراك ما" نجران "
"ولو سمحتوا اللي غير عجمي لا أسمح له بالتعليق على مشاركتي بالموضوع خااااااص بأبناء القبيله وحنا أدرى بشؤونا"
وأبي أوضح شي مهم ترى لو رجعنا للصلب اللي معروفين بين القبايل انهم صلب لهم علوم وسلك البدو وعاداتهم نوعاً ما لكنهم صلب تدرون من وين جوا ما طلعوا مثل الفقع من الأرض لأ؟؟
هم مجموعه من الناس يعملون في مهن يأنف عنها ابن القبيله ومعروفه من الجميع ولكن تجد بينهم أناس أصلاً هم من قبائل معروفه لكن قاموا بفعل مشين وكان عقابهم إنهم يطردون من القبيله الى خارجها ولا يتصل بهم اي فرد ولا يعترف بهم .... ومن ثم ينضمون الى مجموعة الصلب فلا يوجد لهم مكان في مجالس القبائل ويبدءون بالإندماج مع مجوعتهم الجديده ولا يعترفون بأنهم من قبيلة كذا أو كذا لأن هذا إثبات أنهم قد أخلوا بميثاق القبيله ؟
مناسبة الشرح واضحه أعتقد .
فإسلوب الطرد اسلوب متبع من كبارنا وشيوخ قبايلنا ليش الحين مستغربينه ؟؟؟!!
أما سالفة الديمقراطيه اللي صارت كلمة الموسم ,,, الدليل الدامغ في الديمقراطيه هو العدد
ف يا أخ جاسم لو تتبرع علشان تقتنع إنت واللي عاجبه كلامك بعمل إحصاء عددي تشوف اللي راضين عن موقف المذكورين واللي غير راضيين عن موقفهم !
وأجزم لك إن 98% غير راضين إذاً هم عبروا عن مصلحتهم الشخصيه وغلبوا رأيهم ومصلحتهم الشخصيه فوق أي اعتبار!!
والآن وبنفس المعيار مصلحتنا في طردهم ومسح أسماءهم من الذاكره وإختيار من هم كفؤ .