.
.
البارحه مدري وش اللي صار هي ضيقـة صـدر
وإلا فرح في طاري اللـي كنـت احبـه للنخـاع
أحيان احس بعرض الارض وطولها حروت شبـر
وأحيان اعسف النفس من مبدأ فجوج الله وسـاع
بس الوكـاد البارحـه ليلـي قـزر كلـه سهـر
مابين تأنيـب الضميـر وبيـن لحظـات الـوداع
ورسيت في مينـا حبيـب(ن) جعـل داره للمطـر
اللي معي شفاف يـوم الغيـر لابـس لـي قنـاع
هـذاك يكفـي لا طلبتـه قـال تأمـرنـي امــر
وهو ليا منـه طلبنـي قلـت لـه امـرك مطـاع
وهذاك فسر لي معاني الحب مـن سـن الصغـر
وعرفت منه كيف تعنـي جملـة (الدنيـا متـاع)
إيه أعترف عاندت حتى اني خسرت أغلى البشـر
وأنا أعتبر من يعترف في غلطته شخص(ن) شجاع
مشره على ظروف الزمان ولا على الحـظ الغبـر
بشره على نفس(ن) تحسب الحب معناه إنصيـاع
معاد ينفعني عـذر حتـى لـو القـى لـي عـذر
معاد لي صده عن اللي صـار لـو انـه ضيـاع