[ادمنتش]

يعني كذا دون سبّه .. خلّي خلاني :
ما بين هجر وجفا .. والمشكله جيته

جيته وأنا شايل بكفّيني .. أكفاني
وشلون يجفى حبيب ٍ خابره بيته !

وعدني إنه يجي ، للحين ما جاني !
قلت الصبر !! وين صبري عنْك خلّيته

ما فيه دمع ٍ رقا لـ عيوني وأجفاني
إلا قرا في عيوني إني أغليته ..

ليته يصون الغلا ويعود من ثاني ..
ويشوف وشلون قلبي بالوفا صيته ..

المشكله ما رجع ، ما قال : إنساني
وانا قضيت العمر كلّه .. تحرّيته

للحزن طعم ! ويا ليت الحزن يجفاني
ما كان حزني ليا جعنا .. تغدّيته !

أنا وقلبي يمرّ الليل .. ونعاني
أنا أتصبّر وقلبي بالصبر .. ليته :

يشوف خلّي بـ جرحه وين وداني
وشلون جرحه بـ كل إحساس ضمّيته !