الى الاخوان الي يتكلمون عن القائمه المستقله ويتغنون في حبها ويضربون مبادئها وافكارها .........
انا بخلي كل شي بخلي المبادئ والافكار وماراح اتكلم عنها لاني اذا تكلمت راح اطول خاصه اذا المبادئ كل كورس اتغير مع تغير الطلبه!!!!!!!!!!!!!!!
ولكن بما ان حنا نتكلم في منتدى بني عم ومنتدى العجمان يعني الي يهمني بالاول والاخير عجمان الجامعه.....اعتقد الكل وياي بالنقطه هذي.
حنا نتكلم عن الحمية وفزعت بني عم ويا زينها اذا العجمي نزل وضامن فوزه بس كل العجمان وياه وقتها بصير له قوه
وفي قبيله من القبايل لها مرشح واحد بس في القائمه الائتلافيه تدرون ليش لانهم يدرون الفوز وينه ويبون يقولون حق الجامعه كلها انهم ظهر لولد عمهم الا في السنه هذي واحد كسر القاعده ونزل مع المستقله؟؟؟
بنخلي انتخابات الاتحاد وبنقول انه العجمي الي نازل مع الائتلافيه ناجح ناجح وماراح ينسى عيال عمه الي وقفوا ضده ونزلوا ضده وبسرهم في الوقت الي بيحتاجونه فيه لانه عضو بالاتحاد...
يالي اتغنى بالقائمه المستقله نسيت تقول حق بني عمك والرجاجيل الي بالمنتدى شنو الي صار بالعلوم الاجتماعيه الي انا الي بره الكليه رحت افزع لعيال عمي بالانتخابات عشان نكسر خشم الي قال وبالحرف الواحد حق طالب مستجد من نفس قبيلتة ( شتبي بالاجتماعيه قائمة اليمنيه وقصده عن العجمان والهواجر)
بعد هالكلمه يا ولد عمي ماعتقد انه الافكار تنفع ولا المبادئ تفيد ماراح يسرك الا بني عمك وانتخابات العلوم اجتماعيه شوف كم عجمي جاي وفازع لهم (عزالله بيض الله وجيهم)
ادري بتقول فلان انشق من الائتلافيه وفلان السنه الفلانيه بس حط في بالك انا اتكلم عن عجمان كليه كامله والضرب يجيهم على اسم القبيله (اعتقد انه الامور واضحه الحين)...