في عزّ ما كنت أهوجس فيك وأفتح لك
............ أبواب قلبي .. خذَتْني رجلي لبابك !
وجيتك وأنا ما أذكر إني .. كنت رايح لك
............ بس أذكر إنـّـي كذا .. لا طوّل غيابك !
ياما تردّدت مدري كيف أشرح لك
............ أجيك وأرجع أبيك تقول : وش جابك ؟
يابن الأوادم ترى ملـّـيت ألمـّـح لك
............. أنا أعزّك وأحبـّـك وأعشق ترابك !
ان كان ودّك ترسـّـيني على كحلك
............ لمـّـيت عمري وخاويتـَـك على أهدابك !
لكن قبل تنجرف .. حبـّـيت أوضـّـح لك
............. مستقبلي في يدينك .. وإعمل حسابك !
لو ضاع مستقبلي ماني بسامحلك
............يكفيني الماضي اللّي .. ضاع بأسبابك !