الله من قلبٍ غدى همه اشفات
وضيقته طول الوقت مافارقتني
وجفناً الى من غضوا الناس مابات
ودنيا العنى ياصاحبي مانصفتني
ليته على ماقيل يدري بما فات
وليت الليالي عن جفاه أخبرتني
وليته يعرف محبته هو بالذات
ماكان نفسه للجفى سابقتني
الناس ماترحم ولا حولها سكات
وياما على ماصار ياما اعذلتني
أرخص له الغالي على كل الأوقات
وش عاد روحه دام هي بايعتني
ماعاد ينفع وش يفيد التلفات
خلاص يكفي من بلاوي كفتني
نعطي ونصبر بس الأحلام ماجات
ياكيف حتى العذر لا ماعطتني
واجهت في دربي بلاوي وصكات
وياما على الضلع القصّير كوتني
تقفي به طوال المسافات عجلات
إن اشهد أن ظنونها خيبتني
اطلب لي بسرعه على طول تسعات
لو هو يفيد علاجها عالجتني