ليل الجفا طول وانا في حراويه = آتي واروح و لدّتي صوب بابك
انهر دموعي ليه يالدمع تبكيه = واصبّر فؤادي بطول الرجا بك
انشد دروبك وينها آخر خطاويه = واسأل محبينك وش اللي لجا بك
ياصاحبي قلي عسى مانت ناويه = الهجر ذنب ولاقترفته غدا بك
تعال قبل الموت يسبقك ياهيه = طوّل خريف الحب ..كنه اقتدا بك
مالت من غصون المحبه مشاريه = وتساقطت اوراقها في غيابك
والارض تكتم حزنها ما تبديه = كن الورق يستر بقايا صوابك
اشقح شتاك الصدر مالله حاديه = يموت من بردك وغيمة ضبابك
جيب الربيع الحين هذي دواعيه = يرد روح اللي بحبه شقابك
ضميان خفّاقي لزومٍ تداريه = دركٍ و كبده مشفيه في شرابك
عجل قبل لا يلحق اللوم تاليه = وتلقاه دافن جثته في ترابك