بعيني تغيب الشمس وتشرق بعيني =في ناظري للشمس موت ٍ و ميلاد
لليل في دمعي سنا نجمتيني=وللصبح في جفني شفق هم وسهاد
كن السهر درب ٍعليه ابـتجيني =ولا ودي أقطع درب لاماك برقاد
ياللي جميع الناس بينك وبيني=كل لحظة ٍ أبنتظر منك ميعاد
عذري لياسي منك إنك تبيني =خنت الرجا وان صنت لي عهد ووداد
لمصافحك ربي خلق لي يميني=أمدها لك وصل وامدها بعاد
ولبسمتك ترخص غوالي سنيني=همي يزول و صادق الشوق يزداد
أنسى عذاب العمر ما أنسى حنيني=تبلى ليالي العمر وجروحك جداد