مساء الخير،،،
تقـول لـي مشتـاق .. وأقــول كــذاب=عـزّ الله أنّ الـشـوق مــا طــبّ عيـنـك
أنـا خبيـر عـيـون وجـفـون وأهــداب=وأقــرا كــلام رمـوشـك وحاجبيـنـك
قريت فيها غبت مع عرض من غـاب=وأن جيت وإلاّ رحت .. ما قلت وينك !
وأزريت أحلّـل كلمـة ٍ مالهـا إعـراب=لقـيـتـهـا مـكـتـوبـة ٍ فــــي جـبـيـنـك
مثلّـت دور الخـلّ فـي فيلـم الأحـبـاب=وأبـدعـت بالتمثـيـل مــن قــوّ زيـنـك
وأصبحت قايد شمل تلعات الآرقـاب=وصبـيّـت حـسّـادك عـلـى معجبـيـنـك
وبـانـت خفـايـا لعبـتـك والـغــلا ذاب=هيـهـات مـانـي لعـبـة ٍ فــي يـديـنـك
ما الله بحاديني على حرب الأعصاب=أسـدل ستـار المعرفـه عــن ضنيـنـك
لا كاشـف ٍ ســرّك ولا فـيـك مغـتـاب=حـــدّ الله الـمـشـروع بـيـنـي وبـيـنـك
ماجور يا قلبـي بعـد خاطـري طـاب=والله عـلـى هـــمّ المـحـبّـه .. يعـيـنـك