قال تحب وقلت وشلون ماأحـب
أحـب وقلبـي فاقـدٍ مـن يحبـه
قال حبيبك قلـت علمنـي الحـب
وعلمته أشتـاق بغيابـه وأحبـه
هاجر وجرحه بالحشى مالقـا طـب
بعض الجروح اتعجز عنها الأطبـه
أحسب ماكل البشر مثلـي أتحـب
ولا قلت أحبك غيـر للـي أحبـه
صحيح ماكـل المخاليـق بتحـب
لكـن فيهـا مـاتـدوم المحـبـه
ماكـل مخلـوقٍ تحبـه ولا حـب
ولاكل مـن حبـك حبيبـي محبـه
بعض العرب مملوح هرجه وينحب
ما حب لـو كـل الخلايـق تحبـه
وبعض العرب لا حب بالحيل ينحب
وبعض العرب مايقتله غيـر حبـه
أعظم جروح الحب لا خانك محـب
وأكبر ذنوب الحب فرقـا الأحبـه