|[مدخـــل ..
مآهو بـ كفو الوقت حبك يمحّيه
ياللي تخاف صروف الايام تمحاه
ارتاح دام ان المواصل يقويه
انـت انـت
وانا آنآ
وقلبي هو إياه
حتى ولو بتغيب ذكراك تكفيه
ياواحدٍ تكفي عن الناس ذكراه
حُبك على رملة خفوقي مواطيه
ورياح عذلي عَنك ماتمسح خطاه
واللي يعذل القلب عن درب غاليه
الله بمآ يبلا المواليف يبلاه
اخفيه يابلفيت والحال يبديه
ادناة واحد ينظر الحال يقراه
مخفيه فيه ومعتنيٍ به وحاميه
عن كل عينٍ ودها تنزل حماه
قلبٍ يحبك والهوى الذرب ماليِه
كانك مكذبني بعينك تحلاه
شرطً تشوفك فيه منت بـ حواليه
ويمكن تشوف ديار واماكن رعاه
وبتشوف به تمثال والوقت هاريه
وبتشوف زرعٍ ميتٍ واقفٍ ماه
وبتشوف جرحٍ فيه سكين راعيه
راح ونسى السكين والجرح ينخاه
وبتشوف حصنٍ عجّ الاقدار سافيّه
وبتشوف باقي بيت راعيه خلاه
لاتنزعج هذا خفوقي وباقيه
ولاتضايق من تصّدع زواياه
قَد زلزله فرقا وهزت عراويه
والله ستر والحظ عانه وعافاه
كانه صلح لك واعجبك زيد تبينه
ابنه وجهزّ للمقابيل مبناه
ابغيك بس من المفاآآرق تداريه
وازهل من يداري شعورك ويدراه
وحلل وحرّم فيه يا أبرك بلاويه
وحله وراع رضاي
......................... ورضاك
................................ ورضاه
جعلك بعد بعض الوجيه امحق وجيه
ناسٍ مراتعها الرفيق بتقفاه
انواع واخطر نوع مانيب ناسيه
نوعٍ على تفريق الاثنين مسعاه
تلقاه دوم وكل يومٍ تلاقيه
واذا بغيت الصدق ماعاد تلقآه
وإلا انت ردك كُل مادعيك لبيه
انشهدٍ آن منتوآ بفي عيني اشباه
منت بـ مع العالم ولا تقولي ليه
انت ادرى مني وش جوابي وفحواه
كذيه ومن الله يازين وإليه
واغلى طروش القلب ودواه من داه
الحلم ياتيني بزولك واراعيه
وفي كل حلم اقوم قبل اتحفاه
واعشق سميك في البزارين وادعيه
واقبل خطاه الا اخطى واتلقاه
واسمك يروعني اذا مرّ طاريه
واحب ملقوفٍ يسولف وطراه
وامرّ بيتك من بعيدٍ ولا اجيه
وانا لو انه في يدي ماتعداه
وصلك يخيط الصدر والبعد يفريه
ويابري حالي كان صديت برياه
ويلي على ادري حبنا ويش تاليه
وويلي على ادري وش ورى الغيب ويلاه
عشان اشوف اذا محبتك ترفيه
والله لاقفي عنك
...................... واستغفر آلله