اقتباس:
المشاركة الأصلية كتبت بواسطة الشاهين العجمي
السلام عليكم ورحمة الله وبركاته
بالبدايه النائب مكانه ومهمته داخل قبة عبدالله السالم فقط من خلالها نحكم على ادائه اما الندوات فهي نفاق وضحك على ذقون الجمهور يا اخ شعباوي ياما شفنا نواب بالندوات لسانهم طويل وحناجرهم انبحت ولكن بالمجلس ناقضو ندواتهم وكذبو على الجمهور والطفيليين!!!! يا اخ شعباوي أترك عنك التصريحات والندوات واذا تبي تحاسب النائب حاسبه على أدائه داخل المجلس أنا متاكد تماما انه ماتهمك قضية (أم المؤمنين عائشه رضي الله عنها) وأنتهزت الفرصه وجاتك على ماتحب لما لم تجد النائب الحويله وزملائه النواب اللي من نفس الفخذ !!!! ولم تلتمس لهم العذر بعدم الحضور يمكن مسافرين او يمكن عندهم ظرف طارئ منعهم من الحضور لكن انا متأكد انك يا أخ شعباوي السالفه جازت لك لأنك متعنصر ولا تنتمي لفخذ هذا النائب وزملائه !!! أرجوك لاتزعل مني ولكن هذه حقيقة القمنده عندك وبالنهايه يا اخ شعباوي أنا أجزم ومتأكد انه أخوانك النواب لن يترددو ولو لحظه بطلب سحب الجنسية اذا نوقشت بالمجلس يا شعباوي أخوانك النواب اللي هاجمتهم لغرض بنفس يعقوب تراهم مسلمين ومذهبهم السنه الحميده ولا تزايدهم انت و غيرك على حب الأسلام وحب الله ورسوله وحبهم لزوجات الرسول (ص) وصحبه وآل بيته الطاهرين
|
هد اعصابك اول شي شكلك جاي من اقصاك !!
كفرت الرجال الله يهديك عشان تعصبات فخذييييه
شنو تقول انا متأكد تماما انه ماتهمك قضية ام المؤمنين وانتهزت الفرصه وجاتك على ماتحب ؟؟
هي بس هذي الفرصه ؟
ليش ماتشوف اداء ربعك يبيض الوجه مثلا ؟ اداء العدوه والحويله ؟ تخاذل ثم تخاذل ثم تخاذل
وهذا العدوه ينجح من 1992 وهذا هو نفس النهج ونفس الطابع يتبع مصلحته الشخصيه
والحويله كذالك لا موقف ولاهم يحزنون
عن شنو تتحدث انت ؟
والاعضاء هذيلا مايمثلون فخذ معين هذولا يمثلون العجمان قاطبه ويمثلون الدائره كافه
مو على كيفك تحصرر دائرة الانتقاد لناس معينين وجاي ترقع لربعك الي مافيهم شي يترقع الله هم لا شماته
وثاني شغله تقول الندوات كلها مهاترات وضحك على ذقون والعضو مكانه مجلس الامه
بعرف انا شنو سوا او بيسوي الحويله بمجلس الامه بيقدم استجواب مثلا ؟ ( معصي )
والعدوه شبيسوي بمجلس الامه ؟
وندري انهم مسلمين ويمشون على سنة الله ورسوله بس نبي نصره لهذي العقيده ونبي افعال وحضور ندوات يدل على اهتمام النائب بالقضيه الحساسه الي انطرحت
ماقول الا سود الله وجه كل من تخلف عن الندوووه
ويا اداره اتمنا اتمنا انه ماينحذف الررررد
لأن خلونا نناقش وننور ناس عاميه عيونها التعصبات الفخذيه ويرى نفسه هو الصح والناس قاطبه غلط
الله هم لا شماته يارب 
وبالاخير بيض الله وجه الطاحوس والبرغش والخنه على حضورهم وسوود الله وجه الي ماحضر من النواب الحالين