ياطعون وقتي إصبري شوي بـ الدور
وشهوله الزحمه و جو الإثاره
ترى الهدوء بطعنة الشخص له دور
في طول مدّة صيحته وانهياره
ذبحتي أحلامي / على طلعة النور
وصرت أگره الواقع واجنب نهاره
گسرتي إحساسي / وانا گلي اگسور
لو ان مثلي ما يبين انگساره
ضايق ومتعومس وخايف ومقهور
من الزمان اللي صدمني قراره
قفي حبيبي واقبل الضيم والجور
وانا أبتسم وأقول وش ذي الزيارة ؟
قالوا بنهدم بيت لقياه .. و السوور
ونبني من الأحزآن أگبر حضارة
ثم رحت داره ضايق البال مذعور
ياليت قبري يا عرب عند داره
الدمع سال وقال للخد : مشگور
حسيت فيني يوم اهل بغزاره
جعلگ من اللي صاب مغليگ ماجور
ذيگ الطعون اللي سعت في دماره
مع السلامه .. وانت غالي ومعذور
لو رحت .. يبقى الحب فيني وقاره
ومنگ السموحه .. لابد مني اقصور
قلب سگنته / لاترد اعتذاره
من عقب حبگ ما بقى شعر واشعور
بگتب على دفتر قصيدي ( خساره )
خسااآآرة