(5)
:
( انا اعاني من نفس المشكله واتمنى ان اللي احبها تكون تحبني او حتى تكون معجبه فيني . وش رآيتس افاتحها بالموضوع واشوف رآيهآ ؟ حبهآ كل يوم يزيد مو قآدر آتحمل )
^
هذآ كآن رد تركيَ للبندري
لحظه تدرون وش اللي جذب البندري لتركي ؟؟؟؟؟
اسم ( تركي ) ذكرها بشي مدفووون بصدرها صآرله 10 سنين
خلوني ارجع 10 سنين من حيآة البندري . كان عمرها 12 يوم حبت آيه حبت . تركي ولد جيرانهم اللي من كانوآ بزرآن وهم سوى من تطلع الشمس لين المغرب وهم مع بعض . كآنت تنتظر متى تشرق الشمس عشان تقول لأمها يالله يمه شوفي جا النهار خليني اطلع عند الباب تكفيين وتطلع وعلى طول تروح يم بيت جارتهم ام تركي .
تطق آلباب ويطلع لها تركي ( وحيد امه وابوه ميت ) يطلع ووجهه يبي يتشقق من الوناسه بشوفة البندري . صح كان يعدها مثل اخته وكاان مايرضى عليها ابد ولو بيده مايخليها تطلع من البيت بس اذا ماطلعت كيف يشوفهآ ؟
لكن البندري كانت تحبه تموت على طااريه وتغاار عليه من اي بنت من بنات جيرانهم* الآخ مزيون الحاره هع
البندري ماعندها اخوان بس عندها اخت اكبر منها . عشان كذا كانت تحس مع تركي بالآمان .
تربوآ وكبرٍوآ مع بعض يوميآ سوى مايفارقون بعض بالمدارس والآعياد وما يذبحهم إلآ العطله* عكس الناس
تدرون ليه ؟ لأن تركي يسآفر لعمآمه وامه تنجبر تروح معه ماتقدر تفارقه لا جا يوم السفر يتقطع قلب البندري وتركي بعد
تخيلوا ما يطلع من البيت لآ صاروا بيسآفرون بهاليوم والبندري ماتعتب الباب ماتقدر تشوفه وتودعه .
وهو يجلس عند باب بيتهم ينتظر يمكن تطلع مع انه يعرفها ومتعود عليها كل مره يجي يسآفر ماتودعه . صح كانوآ صغآر لكن قلوبهم صاافيه .
كبروا ومشت فيهم الايام وحب البندري لتركي يزيد لكن تركي كان يزيد حبه للبندري كأخت .
صآرت آعمآرٍهم 12 سنه وبدت آلظروف تحكم البندري انهآ مآتشوف تركي بحكم آنهآ كبرت وبتصير حرمه وهو كذلك امه دوم تقول له انت خلآص صرت رجآل مآيصير تلعب مع آلبندري ولآ تشوفهآ خير شرٍ . وكآنت آلبندري تتطمن عليه من جآرتهم أم تركي كل مآ سيرت عليهم تجلس آلبندري بكل حيآإ جنب آمهآإ وكن آم تركي تلمح بعيون آلبندري سؤآل وده يطلع لكن الحيآإ مآنعهآ . فَ تقول آم تركي لأم البندري تصدقين يا ام سآره ان تركي كل يوم يغثني يقول يآليتني مآكبرت وتنآظر آلبندري وتغمز لهآإ لأنها تدري انهم كلهم ودهم ما كآنوآ يكبرون عشآن مآ تمنعهم الظروف من بعض .
وجا يوٍم من الآيآم ويدق عمٍ تركيَ على آمه* عمه بمنطقه ثآنيه ( هم بالسعوديه 
)
ردت عليه قآل لهآ يآ أم تركي حنآ ندري آنتس ماتبين تتزوجين بعد المرحوٍم لكن تركيَ بدآ يكبرٍ ومحتآإج رٍجآلَ يرآعيه انتي طول عمرتس متطمنه عليه لأنه كآن بزر وقدآم عيونتس لكن الحين مآتقدرين تعرفين وش يدور برىَ آلبيت لآآ طلع تركي عشآإن كذآ انا ابي اخطبتس لأن تركي ولدنا ولآ ودنآ يصير فيه شي وبعدين انتي بديره وحنا بديره مانقدر نراعيه كذآ . وش رآيتس يآ آم تركي .؟
يتبع