وقفت وقفه ماتشبه لوقفتك
لوشفتني قلت الغلا فاق باسك
في شارعك قدام بيتك بلفتك
وقفت تمنعني تقاليد ناسك
هم مادروا قلبي يعاني لشوفتك
وأني أحسد الطفل لاجاك باسك
ودي أحبك حبتن فوق شفتك
وأن ماحصل حبيت خدك وراسك
قدرك بعيني ماتقيسه مسافتك
حبي ذهبك وشوقي عقود ماسك
الناس لو هي بكفتن غير كفتك
كفتك ترجح لأن ماهم قياسك
تباشرت عيني نهارين رفقتك
متى على الله تترك حدود ساسك
الشوق علقني على جدار طوفتك
ميت ضما وأنا أدري الماء بكاسك
ياما ضلوعي من ردى الوقت ضفتك
وبالبرد تحطبها يدينك وفاسك
ياليتني أقدر أزورك بغرفتك
وألعب أنا وياك وحب راسك