ياعين جدي كل ماشفت زولك
جعلي فداك وباقي الناس تفداك
جامع جمال الكون وماخذ قبولك
واللي عطى يوسف من الزين اعطاك
واللي يقول الزين ماهو بحولك
الزين والله منبعك ..لا عدمناك
مايختلف بالزين قولي وقولك
حبيبتي مافيه شي يتعداك
هذي سنتك وهذي اربع فصولك
وهذى زمانك واغلب اللي تحداك
وخل القلوب تحير حزة دخولك
وخل العذارى تفتكر في مزاياك
وان كانهم من عقبها صفقولك
مافي داعي ترفع اليوم يمناك
مالك منافس يالحب يطولك
ينادره مافيه مثلك وشرواك
انت الحبيب وحظ من هو ينولك
ياقلب ثامر كل ماحل طرياك
مهما يدور الوقت حولي وحولك
خلك معايه واسعد الله ممساك
وياعين جدي كل مشفت زولك
جعلي فداك وباقي الناس تفداك
لشاعر / ثامر السعيدي
دمتم بخير