اقتباس:
المشاركة الأصلية كتبت بواسطة %الماسه%
مرحبا اخوي لنا في المغرب ذكريات
تبي الصراحه انا كنت حيل حريصه علي متابعة الاعضاء قبل بس الحين لاما التابع لان مامنهم فايده بس كلام بس فعل ما نشوف !!؟ظ
ولاعاد اهتم علي اخبارهم
بس فشلونا قدام الناس كل واحد يحط علي الثاني
خلها علي الله بس
اسفه علي الاطاله
..تقبل مروري
|
ولو يالماسه يسعدني مرورش وبالعكس حنا نبي النغاش بالمواضيع المهمه
انا معاش المجلس فقد نكهته لاسباب عديده لنه الاغلبيه شورهم مهو بيدهم بيد الحكومه
وموضوع الصياح والمعارضه والله ماوصلت الا لنه فعلا وصلنا للهاويه
اختي الكريمه
الصحه حدث ولا حرج
التعليم من اسوء لاسوء
الوزرات شنقول كل قانون يسقط القانون الثاني ومافيه اي انجاز
البنيه التحتيه وين كنا وشنو صرنا
الزحمه المروريه والوافدين اللي مايحترمون القانون
اضرابات العمال اللي بكل مكان
التركيبه السكانيه اللي مافيه كويتيين مصريين وسوريين وبنقلادش
القوانين الي كل قانون يمررونه الاعضاء الحكوميين يضر المواطن
الخصخصه اللي باعو الكويت وخلوها بيد التجار يعني مستقبل عيالش مهو بيد حكومتهم ودولتهم لا عند التاجر فلان وفلنتان
القنوات الفضائيه اللي حولت الكويت لحرب وكره لبعضهم
البدون اللي كل مالها والمشكله تكبر ياتجنسهم ياترحلهم والمستحق عطه واللي مافيه اثبات عيشه حياه كريمه
الاسكان اللي الرجال يقدم بنته تزوج وصير جد وولده يتخرج معاه ماستر والبيت توه ماوصله
وضع المادي للاسره الكويتيه اللي اصبح ضعيف جدا
انتشار الجريمه والمخدرات والسلوك المنحرف والعنصريه
تهديدات ايران والعراق اللي ماحنا عارفين نتخذ اجراء نحمي ارضنا ودولتنا
الكهرباء ولا تعليق
هذا كله نقطه بحر
والقادم امر وادهى
تبين هذا كله ومايصير معارضه كل هذا وتبينا نصفق حق اللي كل قانون يضرنا وضر مستقبلنا اعضائنا الشرفاء يوقفون معاه
الله يحفض الوطن والامير والشعب
تقبلي تحياتي