يـادار ويـن اللـي احبـه وانــا ويــن
في غربتـي والشـوق عـذب فـؤادي
ياليـتـنـي طـيــر وامـلــك جنـاحـيـن
باطـيـر للـغـالـي وبـوصــل بـــلادي
مسكين قلبـي هـزه الشـوق مسكيـن
والجفـن مـن فـرقـاه فــارق رقــادي
من يـوم ودعتـه وانـا ساهـر العيـن
ماطـاب لــي نـومـي ولا طـعـم زادي
"مشتاق له مشتاق له كامل الزيـن"
"واكيد هو مثلي من الشوق غادي"
"يـارب ياجـامـع قـلـوب المحبـيـن"
"اسألـك تجمعـنـي بغـايـة مــرادي"
كـل يـوم قلبـي عايـش بـيـن نـاريـن
نــار الـجـروح ونــار فـرقـى ودادي
مدري متى برتاح مـن غربـة البيـن
وارجــع لمحبـوبـي واعــود بــلادي