ياذيب يومـك ترقـب الرجـم وتويـق
متفرعـن ٍ فـوق الجـبـال المنيـفـه
عليك من وصف الرجـال المطاليـق
لا سننـوا حـدب السيـوف الرهيـفـه
وعليك لا جرّيت صوتك من الضيق
نوح الوليف إللي رحـل عـن وليفـه
ترسي فخر كنـك علـى قمّـة طويـق
لا والله ،، ألا عـز نفـس ٍ عفيـفـه
يكفيـك شـي ٍ بيـن كـل المخالـيـق
تمـوت جـوع .. ولا تعشيـت جيفـه
__________________
لو طاحت نفوس الرياجيل مـا أطيـح=علّـيـت نفـسـي للـعـلا واعتـلـت بــي
لكـن .. لــي مـبـدأ مـعـزه وتصفـيـح=أبــوي سمـانـي بـهـا وأستـمـت بـــي
أقــدر ظـــروف الـوجـيـه المفـالـيـح=وأبقـا علـى هقواتهـا اللـي هقـت بـي
أذخـر فواعيـس الرجـال الطحاطيـح=اللـي أليـا مــن جيتـهـا رحـبـت بــي
قولـة هـلا وأقلـط علـى هبـة الـريـح=ثروة غنى فيهـا أغتنـي وأغتنـت بـي
مـاهـو كـــلام ملاعـبـيـن المسـابـيـح=الـلـي نـمـوذج كتبـهـم غـيــر كـتـبـي
ملقـحـيـن مـنـمّــق الــهــرج تـلـقـيـح=يامـا حكـت عنـدي ويامـا حكـت بـي
عـيـال رعـيـان الـحـلال الـسـواريـح=لو حصلّت ضحك ٍعلّي اضحكت بي
والـصـبـر زيـــن وللغـنـايـم مفـاتـيـح=وأكحـل عيـون ٍٍ بالحسـد تلتفـت بــي