صوتك لحن .. إكتب على حْباله
باقي كلامك نوْت !
إشنق بقايا كلّ ما ( تعرف وما تجهل ) من الصمت
فـ احزن حبال الصوت
خايف تموت مجهول الهويّة !
خايف من الجروح الـ منبريّة !
من هالحكي يا صاحبي لازم نخاف
وما علينا خلاف .. لو خفنا !
كلّ صرخة خلف حنجرتك .. تسافر ساهريّة !
زوّد طعونك .. طعون الحزن أكثر شاعريّة !
أريد أعرْف
وش قدّ هذا الحزن مُحزن !
أريد أحسّ
إنّ الكلام أكبر من الـ مجهول ..
و الـ ممكن !
وإلكتابة فرض ..
و الصمت الخطيّة ..