بسم الله الرحمن الرحيم
السلام عليكم ورحمة الله وبركاته
نورد هنا قصيده مشهوره لشاعر كبير وغني عن التعريف الا وهو الشيخ : تركي بن حميد
ياما حلا يا عبيد في وقت الاسحـار = جذب الفراش وشب ضـو المنـاره
مع دلةٍ تجـذا علـى واهـج النـار = ونجر إلـى حـرك تزايـد عبـاره
في ربعةٍ ماهي بـتحجب عن الجار = لا من خطوا الـلاش ماشـب نـاره
النجـر دق وجاوبـة كـل مـرّار = ما لفه الملفـوف مـن دون جـاره
واخبر منهـا ركعتيـنٍ بالاسحـار = لاطاب نوم اللـي حياتـه خسـاره
تلقاه فـي يـومٍ يضيعـن الافكـار = يوم على المخلوق ما اطول نهـاره
وقم في قصير البيت حشمه ومقـدار = لو جار فادمح له ولو بـه خسـاره
ترى النبي وصى على الجار لو جار = خذ الحذر يا عبيـد عقـب النـذاره
رافق قوي الدين حفّـاظ الاسـرار = ينفعك في يومٍ يجـي بـه كـراره
ترى الهوى والغي هنشر الاشـرار = من داس عار الناس داسـوا لعـاره
جنـب ردي الكـار مافيـه تعبـار = مافيه مـن فعـل المناعيـر شـاره
جنب عنه خلـه لقصّاـف الاعمـار = واحفظ وصاتي يا رفيـع المنـاره
واسلم ودم بالخير يا طيـر غيمـار = وصلوا على المختار ما غار غـاره