[ناصر العسكر]

أحسب أني عقب ماأقفيت باأدّله واستخير
أثر قلبي عقـب مااقفيـت ربـي بيّتـه



لاتمادا حس ياالتـرف ياسلـك الحريـر
أرخ يكفي شد والوضـع مـن حتميّتـه



طلتك رغم المواجع مثل ضحكة غريـر
الطفولـه والصراحـه سبـب عفويّتـه



قلبه الصافي تبسم ضحى العيـد الكبيـر
عزمه أكبر ياالمقاديـر مـن عصريّتـه



مانسى في زحمة العيد تقديـر الصغيـر
خف نفسه من تواضع سبـب سجيّتـه



عبرته تقرع حميـه بمفهـوم البصيـر
لاأجل أعاقة روح روحه دفـن مرثيّتـه



عوّدو البزران والظهـر يـذّن باالنذيـر
الصغيّـر فاقـد أخيـه ينطـر جيّـتـه



أشغل أهل البيت واأقبل مع حزة عصيـر
ماحداه القيض يزبـن طـرف محميّتـه



لاأجل عين أخيه ماطاح من كثر المسير
مايبـي شـيِ يكـدر علـى نفسيّـتـه



أقبل وحبه وضمه وقـال أبشـر بخيـر
أثـر تأخـيـره لمغلـيـه ياعيديّـتـه



قال أنا عونك اذا هزّك الظـرف المريـر
لايردك ميسـم الوقـت ينضـج كيّتـه



يكوي الضلع القصّير ويرجـع للاأخيـر
حالفِ مايحرجـك مـن طلـب عاريّتـه



دام رأسي حي لاترتجـي وقفـة وزيـر
لاتكلـم راعـي الـذود فـي منقيّـتـه



انت مبدع تمتلك فكر ياالبحـر الغزيـر
الأعاقـه ذبحـة الفكـر فـي رجعيّتـه



كم صحيحِ مات عزمه كسل عافه سرير
غير منتج واندفن حـي مـن سطحيّتـه



كم معاقِ فاق عزمـه تمكّـن شكسبيـر
أدرك ان العقـل تكريـمـه أنتاجيّـتـه



أنتبـه ياغايـبِ راح فكّـر وأستـديـر
هـاك تشبيـهِ لعينـك كشـف سريّتـه



شفت جبر الصامل الركن لاأخيه الكسير
قمة الأخـلاص تكشـف مكامـن نيّتـه




يشبه أحساسي لشخصك طلبتك لاتغيـر
عاشق مغليـك حبـك سبـب قوميّتـه



لاتعرضني ضما القيض وأحساسك غدير
أنـت روح القلـب يافزعتـه ياصيّتـه




كثرهم حولي ولاشفتهم عقبـك ضريـر
أنت شوف العين والقلـب لـك ملكيّتـه



ماحدِ غيـرك تربـع ولاغيـرك سفيـر
يكفي ان قلبـي لحبـك جلـد رسميّتـه




لاتزوّدها جفا حـس والدعـو مصيـر
الجفـا المذمـوم شاميّـتـه عاميّـتـه




لاتحدا روح روحك بظلـم ونفـخ كيـر
عاذلـك حسـده نتيجـة ردى عقليّتـه




لاتعداني وتقبل علـى الوضـع الخطيـر
ليـه تفقـد ماملكتـه وتدفـع ديّـتـه



من غيابك بين الاقدار والعمـر القصيـر
أنتبـه جـورك يحـدك علـى سلبيّتـه



الفراق المر حده كما السيـف الشطيـر
أعرف ان مغليك لاأجلك حـذف جنبيّتـه



طالبك عوّد وغيّـر مـن الواقـع كثيـر
حسنـة الحـب المثالـي تبـدد سيّتـه



لاتعذر عجـز باأجيـك ياالحـظ الوفيـر
لاتـردد واطلـق الصمـت ياحريّـتـه



كلها تنحل ياالترف في صحـوة ضميـر
كل واحـد يملـك الحـق فـي ماهيّتـه



أنت آلبـة تواصـل ولاغيـرك جديـر
لايحول الحول والحـال فـي وضعيّتـه




طالبك قـل تـم لبيـك يانفـح العبيـر
عاشقك لـولا الغـلا ماحـذف طاقيّتـه



أحتفظ فيها أذا كـان مفهومـك هجيـر
جعل غربـك مايعـزم علـى شرقيّتـه



فاح منها عطـر فـواح ياالقلـبِ كبيـر
ياعسى نفحـه يحـرك مشاعـر ميّتـه



أنت من حقك تفكـر وركـز واستخيـر
أشهد أن مغليـك ليـل المواجـع بيّتـه