يامالكٍ قلبي ترى مانت مجبور
................... وترى الهوى يازين مافيه جبرا
من عقب ما انت بشوفتي دوم مسرور
..................... اليوم لاجيتك لقيت الف عذرا
ساعة غيابك عندي ايام وشهور
.................... وشلون من عقبك انا اطيق صبرا
إن كان لجروحك يداويك دكتور
..................... ترى جروح القلب ماظن تبرا
انت الذي في حسنك اصبحت مغرور
..................... ماتدري ان العمر يقفاه قبرا
من اول مايدخل القلب مستور
.................... ماينفضح لوضايقه حر عبرا
واليوم ياخلي بلا احساس وشعور
.................... صارت دموع العين جندول خبرا
لابد تندم في زمانٍ مضى زور
..................... وتلقى حياتك باخر الوقت غبرا