: الجهاز على الشاحن الخط ما له إلا ربع ساعة من اشتريته اتصال رقم غريب ! أنا : أقوى طاف الأخ : ما زال يتصل ! أنا : ما زلت معطيته أقوى قري يدخل علي أخوي أمد عليه الجهاز : شوف فيه رقم أول ما ركبت الخط دق وداق مرتين كلمه شوف وش يبي ؟ كلمه أخوي طلب شراء الخط بأي ثمن ! طلع الخط مستعمل !!!! لكن عناد قلت أبيه & لأنه ذهبي ! اتصالات ورسايل عزايم وعروس والله ربع راعي الخط أصيلين وكل رمضانية وإلا عيد تغمرني المسجات من كل حد وصوب ! جزاهم الله خير في أحد المرات جاني اتصال ! وتكرر فوق الـ 6 مرات مليت خاصة إني كنت في بيت خوالي ولا هيب حلوة كل شوي داق التلفون ورقم غريب ! جاني مسج يقول : فهد جناطك وأغراضك وصلوا في المطار تعال استلمهم ! احتمال إني أكون فهد وارد لكن إني أسافر مستحيل أنا أحسب إن حظي بيتعدل وبيزين غير كل ما له وأردى شريت خط سعودي السنة هذه ! لزوم السفر للوادي بين ربيع وآخر وتخبرون زين جعلهم يهندرون هناك يشقون وجيههنا رسالة بـ 150 فلس الرصيد ما ياخذ عندك يوم على مسجين \ 3 ! توني مستانسة في الخط مسحت على جهازي برأفة وحنوّ ووضعته إلى جانب مخدتي وحطيت راسي توعيّت على صلاة الفجر أشوف إلا اتصال من رقم سعودي غريب !! قلت : يا ليل البزارين اللي متقعدّين لي ! وأطنش أمه الصبح يدق كذا مرة أرسل رسالة : شفيك ما ترد؟ رديت : أخوي غلطان ! رد قال : تكذب علي عشانك ما تبي تسلفني ! لاحظوا إنه فضح نفسه من اللي بيرد عليه بعد ما قال كذا قلت : والله أخوي غلطان أنا توني شاري الخط قال : كانك صادق فأنا آسف كانك تكذب الله يجازيك ! يا والله البلشة ! بس أنا قررت خلاص ما راح أشتري خط إماراتي :