[ناصر العسكر]

هذا انـا جيتـك وجبـت مـن المشاعـر كـل مـا يكفـي لجـل يكسـي سمـا ليلـي معـاك

اسرفي ما دام نفسك تهتوي شوفي وشوفي من بدايات المحبه يهتوي نفس الشعور
.
كل نبضه في خفوقي خانها الوقت بغيابك كسّرت بـرد الضلـوع يـوم حسّـت فـي دفـاك

وكل دمعه امطرت من غيمـة عيونـي تمنـت لـو علـى يـدّك تهـاوت اوعلـى شالـك تثـور

ياغناتي والهوىاللّي هِمت فيه وهام فيني استخارعن الدروب الماضيه والحيـن جـاك

في شكل حي ِ تمثّل لا تهابينـه تـراه مـن الغـلا والشّـوق اصبـح يابعـد عمـري جسـور
.
من عرفتك ما عرفـت إلا البيـاض اللّـي غشـى عيـن الكفيـف وصـرت مـا امشـي بـلاك

اسألك بأ للي خلقنا تحفظين القلب عندك لو حصل مني ملامـه او حصـل منّـي قصـور

والله انّـي صـرت اشـوف الكـون بعيـونـك واصـافـح مــن هـدبـك اللـيـل واتنـفـس غــلاك

واسرق اللحظات لجـل إنّـي اناجـي طيفـك الحاظـر مدامـي عـن سمـا الوصـل معـذور

برخـص الونـات لجلـك وامتـطـي صـهـوة خيـالـي علّـنـي الـمـس ولــو طــارف سـمـاك

ما بقـى بـالارض بعـدك ياحياتـي غيـر ريـح ٍ تحمـل اسـراب الامانـي ليـن ندفـن بالقبـور
.
هذا انا جيتك تعالي بعثري كل السوالف واصرخي فيني احبك وش حلاها من شفـاك

بعدهـا مـا عـاد والله تفـرق سنينـي سوىً كنـت بيـن النـاس ولا منفـي ٍ بيـن السـطـور