[الشيخه شيخه]

يا روح روحي فداك العمر وسنيني لكـن فرقـاك تكفـى لا تطريهـا

انت الذي من جميع الناس مشقيني والحاجه اللي تبي قلـي واسويهـا

ان كان يا داعج الاعيان تغلينـي الروح شفها وش اللي صايرٍ فيها

ياما على شان شوفك تفرك يديني ويا ما على شانك الرجلين أعنيها

كلي جروحٍ ولا غيـرك يداوينـي وأن كان خليتني منهـو يداويهـا

على غلاكم وشوفـك لا توصينـي والا انت نفسك عليه ما تواصيهـا

منيب ناسيك لكن أنـت ناسينـي وشلون عشرة سنين العمر ناسيها

لا من ذكرتك يهل الدمع من عيني واخاف من هرجة العذال وأخفيهـا

اللي جرالي من اسبابـك يكفينـي عزالله ان المحبه مـات راعيهـا